Ruka hadi maudhui
Mkatoliki Leo
Ingia
← Masomo yote Kipindi cha Kawaida · Rangi ya Kijani

· Mwaka C

Somo la Kwanza

Efe 1:11-14
Ndani yake kristo sisi nasi tulifanywa urithi, huku tukichaguliwa tangu awali sawasawa na kusudi lake yeye, ambaye hufanya mambo yote kwa shauri la mapenzi yake. Nasi katika huyo tupatane kwa sifa ya utukufu wake sisi tulio tangulia kumwekea Kristo tumaini letu. Nanyi pia katika huyo mmekwisha kulisikia neno la kweli, habari njema za wokovu wenu; tena mmekwisha kumwamini yeye, na kutiwa muhuri na Roho yule wa ahadi aliye mtakatifu. Ndiye aliye arabuni ya urithi wenu, ili kuleta ukombozi wa milli yake, kuwa sifa ya utukufu wake.

Neno la Bwana. — Tumshukuru Mungu.

Wimbo wa Katikati

Zab 33:1-2, 4-5, 12-13
K.

Heri Taifa, Mungu aliowachagua kuwa urithi wake.

Mpigieni Bwana vigelegele enyi wenye haki
Kusifu kunawapasa wanyofu wa moyo
Mshukuruni bwana kwa kinubi
Kwa kinanda cha nyuzi kumi mwimbieni sifa

K. Heri Taifa, Mungu aliowachagua kuwa urithi wake.

Kwa kuwa neno la Bwana lina adili
Na kazi yake yote huitenda kwa uaminifu
Huzipenda haki na hukumu
Nchi imejaa fadhili za Bwana

K. Heri Taifa, Mungu aliowachagua kuwa urithi wake.

Heri taifa ambalo Bwana ni Mungu wao
Watu waliochaguliwa kuwa urithi wake
Toka mbingu bwana huchungulia
Huwatazama wanadamu wote pia

K. Heri Taifa, Mungu aliowachagua kuwa urithi wake.

Shangilio la Injili

Zab 147:12-15
Aleluya , aleluya
Msifuni bwana, Ee Yerusalemu
Huipeleka amri yake juu ya nchi
Aleluya.

Injili

Lk. 12:1-7
Wakati huo, makutano walipokutanika elfu elfu, hata wakakanyagana, alianza kuwaambia wanafunzi wake kwanza, Jilindeni na chachu ya Mafarisayo, ambayo ni unafiki. Lakini hakuna neno lililositirika ambalo halitafunuliwa, wala lililofichwa ambalo halitajulikana. Basi, yoyote mliyosema gizani yatasikiwa mwangani; na mliyonena sikioni mwa mtu katika vyumba vya ndani, yatahubiriwa juu ya dari.

Name nawaambia ninyi rafiki zangu, msiwaogope hao wauuao mwili, kisha baada ya hayo hawana wawezalo kutenda Zaidi. Lakini nitawaonya mtakayemwogopa, mwogopeni yule ambaye akiishakumwua mtu ana uweza wa kumtupa katika Jehanam; naam, nawaambia, Mwogopeni huyo. Je! Mashomoro watano hawauzwi kwa senti mbili? Wala hasahauliwi hata mmojawapo mbele za Mungu. Lakini hata nywele za vichwa vyenu zimehesabiwa zote. Msiogope basi, bora ninyi kuliko mashomoro wengi.

Injili ya Bwana. — Sifa kwako, Ee Kristo.

0 Maoni
Tafakari ya masomo haya Kutangaza Injili Bila Woga →

Maoni (0)

Bado hakuna maoni. Kuwa wa kwanza kutoa maoni.

Ingia utoe maoni